பாலாஜி சக்திவேல் அடுத்து இயக்கவிருக்கும் படம் ‘வழக்கு எண் 18/7 இந்தப் படத்தை லிங்குசாமி தமது திருப்பதி பிரதர்ஸ் நிறுவனத்திற்காகத் தயாரிக்கிறார். படம் முழுக்க முழுக்க கமர்ஷியலாக உருவாகிறது இந்தப் படம்.
படத்தில் புதுமுகம் ஒருவர் நடிக்க உள்ளார். இவருக்கு ஜோடியாக கன்னட நடிகை பிரஜ்னா நடிக்கிறார். காதலும் அதனால் நடைபெறுகிற குற்றமும் அதனால் நடக்கிற வழக்கும் அதன் தீர்ப்பும் என்கிற பாணியில் இதன் கதை இருக்கிறதாம்.
ரொமான்சும் க்ரைமும் இணைந்த இந்தப் படத்திற்கு ஒளிப்பதிவு விஜய் மில்டன். திரைக்கதை உருவாக்கும் பணிகளில் இப்போது பாலாஜி சக்திவேல் இருப்பதால் இந்தப் படத்தின் படப்பிடிப்பு ஜனவரி கடைசியில் துவங்க உள்ளது.
பாலாஜி சக்திவேல் இயக்கிய ‘காதல்’ தவிர வேறு படங்கள் அவ்வளவாக போகவில்லை. ‘கல்லூரி’ சுமாராகப் ஓடியது. இந்நிலையில் இந்தப் படத்தை வெற்றிப்படமாகக் கொடுக்க வேண்டும் முயற்சி வீண் ஆகி விடக் கூடாது என்ற எண்ணத்துடன் ‘வழக்கு எண் 18/7’ படக்குழு படப்பிடிப்புக்குத் தயாராகி வருகிறது.
0 comments:
Post a Comment